|
ORANIA CVO SE RUGBY- EN
NETBALSPELERS PRESTEER
Nege van
Orania CVO-skool se leerlinge het Noord-Wes by die
Beweging vir Christelik Volkseie Onderwys (BCVO) se
landswye Winterspele vir rugby en netbal verteenwoordig
te Groblersdal. Dit is 'n reuse sportbyeenkoms wat oor
drie dae strek en waaraan meer as 1000 leerlinge
deelneem. Die nege leerlinge was ware ambassadeurs
vir Orania en hul gedrag en optrede onberispelik.
Hierdie spele bied ook 'n uitstekende geleentheid vir
Orania om homself in die toekoms te bemark!
Orania
CVO-skool se leerlinge het uitgeblink in 'n uitgelese
geselskap. WJ Nel was die kaptein van die Noord-wes
Bulletjierugbyspan. Dié span het onder sy leiding die
Christiaan de Wet-Winterspele gewen. WJ Nel het in
totaal 11 drieë gedruk.Erik du Preez het sy staal gewys
as die nr. 6 flank in die 0/11 Noord-Wes rugbyspan.
Hierdie span het ook as kampioen uit die stryd getree.
Jantie Forssman en Ronnie Forssman het hulle goed van
hulle taak gekwyt as onderskeidelik losskakel en
buitesenter van die 0/9 en 0/11 Noord-Wes rugbyspanne.
In die
0/19 ouderdomsgroep het Orania CVO-skool drie spelers
gehad wat baie goeie rugby gespeel het. Frans Pretorius
was die binnesenter en Lourens du Preez die skrumskakel
van Noord-Wes se 0/19 rugbyspan. Een van die seuns,
Ouinton Senekal, het pragtige spel gelewer en is gekies
vir BCVO se nasionale span wat volgende jaar aan die AVS
Bokkieweek gaan deelneem. Hy het ook twee drieë gedruk.
Quinton het groot moontlikhede as rugbyspeler en Orania
CVO-skool sal alles moontlik doen om hom te ondersteun
om sy volle potensiaal te ontwikkel.
Wilmie
du Preez was aanvullende vleuel van Noord-Wes se 0/14
kampioen-netbalspan en het blink spel gelewer. Hul
afrigter is Sandra du Preez, Natuur- en Skeikunde
onderwyser by CVO-Orania. Dit is die tweede
opeenvolgende jaar dat Sandra du Preez se Noord-Wes span
die Winterspele wen. Carmé de Villiers het as
rotsvaste verdediger ook goeie spel gelewer in die 0/15
Noord-Wes netbalspan.
Ons
dank die HERE vir die gawes en vermoëns wat Hy aan die
leerlinge en betrokke persone gegee het! Orania
CVO-skool bedank ook graag die leerlinge vir hulle
deursettingsvermoë en dissipline deur die seisoen en die
ouers vir hulle volgehoue ondersteuning. Ons is voorwaar
trots op julle! |
